Frá því ég var krakki langaði mig alltaf til að flytja til útlanda.  Útlönd voru svo spennandi og sem 12 ára stelpuhnáta var ég komin með fullt af erlendum pennavinum sem ég skrifaðist á við í mislangan tíma.  Mest voru þetta um 30 krakkar frá Ástralíu til Cananda og einhverjar pennavinkonur átti ég jú auðvitað líka á Íslandi. 
Ég man að fyrst, áður en ég var orðin "mellufær" og skrifandi á ensku þá sendi ég bréfin mín til Dísar frænku sem þá var í skóla í Reykholti og hún þýddi þau og hjálpaði mér svo að skrifa til baka.  Já maður dó ekki ráðalaus
Seinna flutti Dís til Englands og svo til Noregs áður en hún settist svo að á fróni.  Systir hennar, Heiðbrá, fór sem ung dama til Bandaríkjana, þaðan til Danmörku og endaði svo í Noregi fyrir tæpum 30 árum ... og hér er hún enn þessi elska sem og enn ein systirin, Ásdís, sem kom til Noregs fyrir 30 árum sem málari ... og hún er enn að   Einn bróðirinn kom hingað líka sem og bróðir minn hann Kalli kúla (eins og Heiðbrá kallar hann alltaf, veit ekki afhverju )  Sem sagt ... móðurfjölskyldan mín hefur greinilega sterkar taugar til konungsríkisins Noregs ... og föðurfólkið mitt til nágrannalandsins Danmörk en þar á ég einmitt líka fullt af fólki   OG ... ég fæddist nú sem danskur ríkisborgari ..... fyrir rúmum 20 árum   Þar býr tvíburasystir hans pabba, dóttir hennar hún Maríanna Björg mín og Kim og Liz sem eru elstu börn Kaj, bróður hans pabba og fjölskyldur þeirra allra ...
Ég kvaddi aldrei þann draum minn að flytja til útlanda og 17 ára fór ég til Rye í New York til að starfa þar sem Au Pair.  Þetta varð bara til þess að ég varð ennþá ákveðnari í að flytja en nú var ég allt í einu heilluð að stóru Ameríkunni.  Það varð til þess að ég byrjaði að leggja drög að fluttningi þangað um leið og ég var komin heim aftur .. en þá gripu örlögin inní ég "festist" á eyju í miðju Atlantshafinu og ég reyndi að gera mitt besta til að "njóta þess" að búa þar.  Það gekk ekki eftir og að lokum kom tíminn ... MINN TÍMI ... Ég vissi alltaf að MINN TÍMI MYNDI KOMA  
Nú skildi það ske ... nú skildi ég í alvörunni flytja til útlanda    Fyrir mig, sem þá var einstæð með 3 duglega og flotta krakka var valið á milli Danmörku og Noregs þar sem ég vissi að ef í harðbakkann færi þá hefði ég "öryggisnet" í öllu góða fólkinu mínu ... Valið var ekki létt en að lokum valdi ég Noreg.  Þá var eftir að finna sér staðsetningu í Noregi og eins mikið og Kalli og Dagmar reyndu að fá mig á vesturlandið ákvað ég frekar að vera á austurlandinu, ekki of langt frá Osló og Gardermoen.  Nú stóð valið á milli Drammen eða Ski ... og ég valdi Drammen ... sem betur fer  
Tilviljanakennt val leiddi mig hingað í litla sæta húsið mitt á sléttunni þar sem ég hamingjusöm nýt lífsins með fallega og góða manninum mínum og börnunum okkar.
Er það tilviljun eða örlög !!!  Mér finnst ég loksins komin heim

og ég segi  GLEÐILEGT NÝTT ÁR  kæra fjölskylda og vinir

Ég er viss um að síðasti sveininn hljóp hratt til fjalla í heitann hellinn hjá Grílu kerlingunni en í frostinu en hjá mér var -20 KULDAgráður þegar ég vaknaði í morgun ... en í Røros mældist kuldinn -41 brrrrrrrrrrrrrrrr
Já, það er víst óhætt að segja að vetur konungur hafi tekið sér bólfestu hérna í Noregi og er svona kulda spáð áfram ca næstu 3 vikurnar.  

Við hjónin tókum okkur ferð í skíðabrekkuna í Drammen síðastliðinn laugardag í -15 ... og það var kalt.  Gott skíðafæri og fullt af fólki í brekkunum enda kunna norðmenn að klæða sig samkv. veðri ... eitthvað sem er ennþá að vefjast fyrir mér   Verst var þó þegar helv.... lyftan bilaði þegar á meðan við sátum uppi á milli snæviþakta trjátoppana í eins og ég áður sagði, a.m.k. mínus 15 kuldagráðum og sólin farin.  Þar sátum við og frusum í klukkutíma, eða allt þar til þeir náðu að keyra vararafstöðina til að tæma stólalyftuna.  Vá hvað mér var kalt og þegar á toppinn var komið og aumingja lyftustjórinn á toppnum spurði okkur hvernig við hörfðum það þá var ekki svo létt að svara enda glömruðu í mér tennur og bein (heppin að vera ekki með falskar þarna, þær hefðu eflaust brotnað í glamrinu).  Ekki veit ég hvernig ég komst niður en það gekk eftir og ekki var ég sein á mér að hoppa inní bílinn, rífa af mér skó og sokka og þræða nýju þæfðu ullarvettlingunum sem móðir mín góð prjónaði handa mér í jólagjöf uppá frostnar tærnar og nudda í þær líf.  Vettlingarnir björguðu táslunum frá kuli en þegar heim kom og ég dró þá af mér fyrir framan heita kamínuna litu þeir mjög svo skemmtilega út með hæl og þumal

Mig langar ekki út í dag en ég neyðist víst til þess því ég verð að skjótast í búðina til að kaupa fleiri ullarnærföt fyrir heimasæturnar ... og mig kannski í leiðinni

Annars erum við búin að hafa það alveg einstaklega gott hérna um jólin en þá var fullt hús hjá okkur í Fredbo og mikið spilað, hlegið, bakað og prjónað ... (jú, mikið rétt, mamma var hérna )  Pakkaflóðið gerði lukku og jólastemningin mikil. 
Enn og aftur sveik ég ykkur kæru vinir en engin jólakort komust úr húsi þessi jólin og í skaðabætur ætla ég að gleðja ykkur á facebook með jólagalsa á videói sem tekin var daginn sem mamma, pabbi og Erik komu hingað frá Íslandi .... Geiri Helga og Hanna Sóley eiga allavega eftir að njóta áhorfsins   Enjoy

Nú kveð ég að sinni en ég verð víst út í frostið og sækja meiri við til að kynda upp kofann.
Gleðilegt ár með nýjum tækifærum og vinum

Dóttir mín hún Ester Ösp   Systir hennar tók þessa mynd á símann sinn og gerði hana svona flotta

Mig langar að blogga en ég nenni því varla, hef ekkert merkilegt að segja.  það er að fara að rigna ... oh nei, hætt við .. þetta er bara smá skúrir.  Eins gott, nenni ekki út að sækja viðinn sem ég var að ná í áðan .... æj jú, búin að því híhí sauðurinn ég.  Vá hvað tíminn líður ..... klukka er alveg að verða "friends" og ég næ sennilega að horfa á þáttinn áður en ég skelli mánudagsommelettunni á pönnunna.  Geri bara salatið á meðan ommelettan steikist.  Vá hvað skýin ferðast hratt um himininn núna, verður sennilega fínt veður á eftir þannig að Vidar getur þá skipt um dekk á bílunum.  ohhhhhh æi, mér er pínu illt í bakinu og úlliðunum eftir að kljúfa svo mikinn við í dag og í gær.  Verð kannski betri ef ef ég fæ Vidar minn til að nudda mig eftir kvöldsturtuna mmmmm oh hann er svooo mikið æði.  Guð hvað ég elska þennann mann.  Ég hlít að hafa gert eitthvað svakalega gott til að verðskulda hann ..... wóó´...... vinir byrjaðir .......

Alltaf eitthvað spennandi að gerast hjá mér var að kaupa miða á The Twelve Irish Tenors i Drammens Teather, miðvikudaginn 21. okt.   Hlakka svooooo til.

The Twelve Irish Tenors


Annars er það héðan að frétta að veðurguðirnir eru ekki alveg búnir að ákveða hvort það sé kominn vetur eða ekki ... hérna skín sólin og það er hlýrra í lofti en undanfarna daga en það blæs þó nokkuð.  Blæs svo pass mikið að ég verð að kveðja að sinni og koma mér út til að taka niður "pavilijongen"
 
Adjö

Það er rosalega erfitt að vera með allt of mörg verkefni í gangi, það er eins og mér verði þá mjög svo lítið úr verki  

Ég er með fleiri þúsund myndir sem þarf að sortera, skanna og arkivera.
Að ég tali nú ekki um allar myndirnar sem ég á eftir að setja inn  hérna !!!
Bát sem býður átekta í bílskúrnum og þarf að klára.
Fjós sem býður spennt eftir því að taka á móti gestum og gangandi en á fyrst eftir að fá eldstæði inni og viðbyggingu.
Hlöðu, "stabbur", bílskúr og tvö íbúðarhús sem þarf að taka til í og tæma.
Planleggja fluttning á "Stabbur" frá bænum að hyttunni.
Samningagerðir við fullt af fólki ...
Baðherbergi og þvottahús sem þarf að byggja í kjallaranum.
Búa til forstofu og nýtt baðherbergi uppi.
Teikna og hanna nýjan bílskúr, sambyggðan húsinu ... já og byggja hann!
Teikna, hanna og byrja á nýjum palli og útieldhúsi.
Pússa upp eldhúsið mitt.
Sauma gardínur fyrir öll barnaherbergin.
Plana og bjóða í Halloween partý ... og skaffa okkur búninga ...
Já og sækja við ....... og ég gleymdi örugglega nokkrum atriðum !!

En svona verður þetta oft ... maður byrjar á einu og þá byrja hugmyndirnar að streyma fram um allt annað sem maður "verður" að gera.  Mér fallast bara hendur þegar ég sé þetta svona á blaði   Ekki nema von maður dreymi um að komast í afslöppun og "hleðslu" til Rósu í samba, sól og sangría

Annars hef ég svo sem ekki yfir neinu að kvarta.  Í fréttum hefur það verið að Noregur er besta landið að búa í eftir sem FN segir og er ég alveg sammála.  Ekki það að ég hafi svo sem búið í mörgum löndum en ég get allavega sagt það að ég er guðs lifandi fegin að hafa flutt út á sínum tíma ... ég hefði ekki komist áfallalaust í gegnum krísuna heima á Fróni.
Bara það að senda krakkana í skólann hefði sett mig útá gaddinn og ég skil ekkert í þeirri pólitík að þurfa að kaupa allar skólabækur og þess háttar í landi sem er með skólaskyldu (það eru ekki öll heimili með bolmagn til að punga út tugi þúsunda í bækur) ... og jú, það er lúxus með mötuneyti og heitann mat í hádeginu fyrir krakkana ... en það er ekki ódýrt !!!
Nú hef ég búið hérna í 5 ár og það hefur kostað mig 4 skólatöskur og nokkra blýanta.  Allar bækur, þ.e.a.s. les- verkefna- stíla og reiknisbækur, reiknivélar, liti, möppur og allt sem þarf til skólahalds skaffar skólinn ... frítt, samt eru lægri skattar í Noregi !!!
Stelpurnar fá líka fríann akstur til og frá skóla.  Allir fara í viku skólabúðir í 7. bekk og það kostar heldur ekki neitt ... og þær mæta með nesti í skólann.
Heitann mat fá svo krakkarnir milli kl.16-17 en þá borða flestir norðmenn kvöldmat þar sem vinnudagurinn hér er "normal" og flestir komnir heim á þeim tíma. Og við höfum ekki yfir neinu að kvarta þótt við séum bara með eina fyrirvinnu ...    og N.B. ég er ekki á "kommununni" né neinum bótum frá einum né neinum ... við höfum það fínt á einni fyrirvinnu. 
Að ég tali nú ekki um heilsuþjónustuna.  Ég hef ekki ennþá borgað krónu í tannlækningar fyrir krakkana ... ekki heldur þegar Ester braut framtönnina en hún hefur þurft að fara 3x til að fá nýja framtönn.  Stjúpsonur minn fékk spangir og fyrir það þarf að borga smámuni miðað við Ísland.  Tannlæknaþjónusta hérna er frí þar til þú verður 18 ára ...

En jæja, núna þarf ég að setja í vél og fara að huga að mat fyrir stelpurnar en þær koma eflaust þreyttar heim í dag.  Þessa vikuna er útikennsla þar sem 5.-7. bekkur hjólar út í skóg og lærir skyndihjálp ofl. til að komast af í náttúrunni.  Á föstudaginn er svo langur göngutúr uppí skóginn og þar verður slegið upp báli og flottheitum   Spennandi vika hjá heimasætunum

Eigiði góðan dag kæru vinir og verið góð við náungann.

Jæja Ròsa mìn, þà er svarti liturinn horfinn   Vona að lesturinn gangi betur fyrir sig nùna

Ì dag er það tòmlegt ì kotinu, kannski ekki svo tòmlegt þvì èg er viss um að èg drap 1411 hùsflugur með töfrasprotanum mìnum à meðan èg talaði við Helguna àðan en samt tòmlegt þvì heimasæturnar skruppu ì vikuferð til Ìslands ì gær og eiginmaðurinn er ì vinnunni.  Mìn fòr þvì à fætur à mjög svo òkristilegum tìma (06:00) og skutlaðist ì bakarìið til að heilsa upp à fòlkið og fà mèr kaffi með bakaranum

Undanfarna daga er ég búin að hugsa mikið til 3 ungra barna sem misstu móður sínu í miklum harmleik í síðustu viku þegar faðir þeirra (geðsjúkur) drap konu sína.  Það sorglega er að undanfarið hefur geðheilsu mannsins hrakað allverulega og deginum fyrir morðið hafði hann ásamt vinum sínum og vandamönnum farið á geðdeild og óskað eftir innlögn þar sem hann var ekki í jafnvægi og vildi hann reyna að fá hjálp ... en hann var í staðinn sendur heim ... síðar þá nótt hringdi hann sjálfur í lögregluna og tilkynnti andlát konu sinnar ...  Mann siktet for drap ...   aumingja börnin, móðir þeirra drepin og pabbinn er gerandinn !!!

Já, það er ekki allt ok í kýrhausnum . !!!   en jæja, verð að finna mér eitthvað gáfulegt að gera .... þrífa eða eitthvað annað gáfulegt

Later my friends .... og endilega vera dugleg að kvitta elskurnar mínar

Já, jólin hafa verið ofarlega í huga mér síðustu daga.  Kannski vegna þess að hér verður fjölmennt í sveitinni en mamma og pabbi koma ásamt frumburðinum þannig að við verðum með uppruna okkar og afkomendur þessi jól   Hlakka mikið til 
Ég er meira að segja næstum því búinn að gera jólagjafalistann og er nú þegar byrjuð að versla inn ... og búa til   Kannski sauma ég leðurtösku fyrir Elvu mágkonu hehe

Og í ár hef ég heitið sjálfri mér því að setjast niður og HANDSKRIFA jólakortin en ég hef verið skammarlega léleg undanfarin ár í þeirri deild og skammast mín óendalega mikið fyrir jólin 2006 en það var árið sem Erik fermdist.  Við stóðum í flutningum, tölvan hjá tante ljósmyndara krassaði sem þýddi að allar fermingarmyndirnar gufuðu upp ... og ég átti því engar myndir til að láta prenta í jólakort   En svona hlutir gerast og ekki getur maður sest niður og grenjað yfir öllu því sem miður fer ... þá er ég hrædd um að næsta alda sem riði yfir mannkynið væri táraflóð

Að lokum ... þið sem viljið fá persónuleg og handskrifuð jólakort frá mér og minni fallegu fjölskyldu eru vinsamlegast beðin um að kvitta fyrir innlitið

Oftast er ég óttaleg Pollýanna en þó á ég það til að "leiðast sumt fólk".
Þegar ég segi "leiðast sumt fólk" þá á ég við að það eru sumir einstaklingar sem mér finnst rétt og slétt leiðinlegir. 
Samt er það sem betur fer oftast svo að mér leiðast gjörðir sumra þó ég kunni ágætlega við einstaklinginn sem slíkann
T.d. er það ein sem ég hef unnið mikið með í gegnum tíðina en ég get ómögulega sagt að mér finnist gott að vinna með henni ... Hún er í sjálfu sér fín stelpa og aumkar sig yfir alla en er gjörsamlega skelfileg sem samstarfsfélagi.  Ég vill meina að það sé vegna þess að henni sé alveg sama þannig séð, er það örugg með sýna stöðu að hún hugsar sjaldan hlutina til enda ... og svo getur hún ALDREI sett hlutina aftur á sinn stað
Svo er það lítil stúlka sem var að gera mig og fleiri gráhærða fyrir rúmu ári síðan.  Hún var byrjuð að banka hérna á dyrnar á milli hrota heimilisfólksins og áður en fuglasöngur hófst til að spyrja eftir stelpunum ..... sem sváfu ... og það leið ekki sá matmálstími sem hún annaðhvort lá á dyrunum, gluggum eða sat fyrir utan lóðamörk og horfði á okkur borða .... ekki veit ég hvað mamma hennar var að hugsa    Aumingja stúlkan er flutt núna ásamt fjölskyldu sinni og í staðinn tók lítið skárra við

Svona fólk finnst sjálfsagt í lífi flestra og ég held að ég sé ekki ein um að láta mér leiðast sumt fólk en það er víst lítið hægt að gera annað en að finna "Pollýönnuna" sem við flest eigum inní okkur og brosa framan í lífið 

SMIL venner og nyt dagen i dag

Sem er jú bara frábært nema hvað að mér finnst tíminn vera farinn að líða skuggalega hratt ... ÞAÐ ERU BARA NÆSTUM ALLTAF JÓL, eða jólaundirbúningur 

Þessi vika hefur flogið áfram með miklum framkvæmdum og tiltekt.  Ég og Ásdís fórum uppí bústað á mánudag til að hreinsa út úr fjósinu okkar svo við getum hafið framkvæmdir þar og búið okkur kósý "after ski" uppá fjalli  og núna er minn heittelskaði uppfrá með Even með sér að grafa og gera klárt fyrir viðbygginguna og nýtt bílastæði.  Svo verður haustfríið notað til að smúla og þrífa.   Þetta verður alveg geggjað :-)

Góða helgi öll ..... nú ætla ég að fara að grilla hamborgara fyrir mig, dæturnar og Maríu sem ætlar að vera hjá okkur um helgina  

..... gæti ég sagt við sjálfa mig nú ... Velkomin aftur á bloggið

Já, nú er ég búin að fá "fésið" inn og finnst það alveg ágætt en það er ekki blogg .. svo þess vegna hef ég ákveðið að byrja aftur hérna, vonandi nokkrum til ánægju .... allavega Ernu og kannski Dagmar sem fær nú eitthvað að lesa annað en niðurdrepandi fréttir áður en hún leggur sig á kvöldin 

Enn einni helginni lokið og við tekur vinnuvika ... fyrir all flesta ..... og mig líka.  Ég er að fara uppí bústað á morgun og tek með mér tante Ásdísi og við ætlum að tæma fjósið fyrir smúlun og stórþvott.  Planið er að koma heim aftur á miðvikudaginn svo tante geti farið að dansa SALSA   Annars vorum við reyndar að koma heim áðan eftir helgardvöl uppí bústað ... kósýhelgi.  Fengum yndislegt veður, fórum á fótboltamót í Ringebu í gær þar sem Even var að keppa.  Þeir voru reyndar teknir illilega í rassgatið ... en það er samt alltaf gaman að vera með .... er það ekki sanni ungmennafélagsandinn sem var reynt að troða inn í hausinn á yngri árum   Við fórum líka í nokkrar heimsóknir og tókum okkur göngutúr í skóginum   Ég alveg elska að vera uppí fjalli

En núna langar mig mest uppí rúm þar sem minn heittelskaði býður mín

Natta alle og sov godt.

Home sweet home eftir mjög vel heppnað páskafrí ... besta so far   og ég er búin að setja inn myndir ... verð að finna út hvernig ég get sett inn smá videó þar sem við gleymdum myndavélinni og ég varð því að notast við videóvélina og símann   en það reddaðist ... fengum nokkrar góðar myndir.
Er á pínu hraðferð núna, afleysing í mötuneytinum, svo ég verð bara að blogga um ferðina síðar.  Ha fortsatt en fin dag og TIL HAMINGJU MEÐ DAGINN VIGGA MÍN
JÁ, frú Vigdís Finnbogadóttir á afmæli á þessum yndislega degi.

Já, nú styttist í skemmtisiglingu okkar hjóna, og stelpurnar ætla með.  Þið getið rétt ímyndað ykkur hvað þær eru spenntar   Við erum að tala um lúxus og hérna eru nokkrar myndir af skipinu sem við förum á, Color Magic.

Gvvvööööööööðððððððð hvað ég hlakka til 

Við erum að fara að sjá sjálfa drottninguna .... TINA TURNER 

Tina Turner to Telenor Arena

Tina Turner's first tour in eight years makes a stop in the new Telenor Arena at Fornebu near Oslo on Friday 17 April. Tickets go on sale on Monday 2 February at 9 am. Tina Turner's brand new stage show includes all the hits from her fantastic career. The 69-year-old artist is famous for her grand concerts, and the one in Telenor Arena should be no exception. The audience will get to hear hits like "River Deep Mountain High", "Proud", "Nutbush City Limits", "Let's Stay Together", "What's Love Got To Do With It", "We Don't Need Another Hero" and "Simply the Best", as well as comeback hits from the 90s like "I Don't Wanna Fight" and the James Bond theme "Goldeneye". Tina Turner's previous world tour, "Twenty Four Seven", is one of the most successful tours of the past decade, with 3 million tickets sold and shows at 123 stadiums around the world.

HAAAALÓÓÓÓ ....... FYRST IL DIVO OG NÚNA TINA TURNER ...... :haha:
Og sjálfur Sir Cliff Richard er svo að koma í nóvember ... aldrei að vita nema maður skelli sér að sjá hann líka .... ég er komin með TÓNLEIKABAKTERÍUNA

Ég er ennþá í sæluvímu eftir tónleikana í Osló spektrum með hinum einu sönnu IL DIVO í fyrradag .... þeir eru baaara snilld og voru tónleikarnir núna jafngóðir tónleikunum sem ég fór á með þeim í spektrum sumarið 2006 ... og á báðum tónleikunum felldi ég tár þegar þeir fluttu lagið MAMA.. MAGNAÐ
Hérna fáið þið 25 mín. tónleika með þeim


Og ekki sátum við á slæmum stað ... beint fyrir framan sviðið á fimmtu röð ... 

Og að sjálfsögðu varð ég að fara til þeirra og heilsa uppá þá Rósin sem David er með er þó ekki frá mér.
Ég mæli eindregið með tónleikum með IL DIVO   Njótið